• Të jetosh me diabet

Aktiviteti fizik

Ndërsa ne të gjithë e dimë se të qenit aktiv është e mirë për shëndetin tonë, qoftë fizik ashtu edhe emocional, është e rëndësishme të jemi të vetëdijshëm se të qenit aktiv dhe të qëndrosh aktiv mund t’ju ndihmojë të menaxhoni diabetin tuaj të Tipit 1, diabetin e Tipit 2 ose t’ju ndihmoj të zvogëloni rrezikun e diabetit të tipit 2. Për shembull, Udhëzuesit e zyrtarëve kryesore mjekësorë në Mbretërinë e Bashkuar theksojnë se aktiviteti fizik mund të zvogëlojë mundësinë tuaj për diabetin e tipit 2 deri në 40 për qind, si dhe të zvogëlojë rrezikun e sëmundjeve kardiovaskulare, kancerit, dhimbjes së nyejve dhe shpinës, depresionit dhe çmendurisë (dementia).

Të qenit aktiv do të:
• ju ndihmojë të humbni peshë ose të mbani një peshë të shëndetshme
• rrit sasinë e glukozës që përdoret nga muskujt për energji, kështu që ndonjëherë mund të ulë nivelet e glukozës (sheqerit) në gjak
• ndihmon trupit të përdorë insulinën në mënyrë më efikase – aktiviteti i rregullt mund të ndihmojë në zvogëlimin e sasisë së insulinës që duhet të merrni
• përmirëson menaxhimin tuaj të diabetit (veçanërisht diabetin e tipit 2)
• forcon eshtrat/kockat tuaja
• redukton nivelet e stresit dhe simptomat e depresionit dhe ankthit
• përmirëson gjumin tuaj

Sa aktivitet duhet të bëjmë?

Lajm i mirë është se i gjithë aktiviteti fizik ndihmon – qofshi si prind i zënë me punë, i ri, që rri ulur në një tavolinë gjatë gjithë ditës ose gjatë viteve të pensionit, sado që bëni aktivitet fizik mund të jetë i dobishëm. Po ashtu, aktiviteti i përditshëm, si për shembull, të shkuarit në punë, puna në kopsht ose punët e shtëpisë, dhe nëse jeni në gjendje, përpiquni të bëni disa stërvitje. Ju mund të filloni me diçka të lehtë, si ecja, dhe gradualisht të intensifikoni stërvitjen tuaj deri në 30 minuta në ditë, pesë herë në javë.
Cilado qoftë mosha juaj, sa më pak që rrini ulur, aq më mirë, përveç kohës kur keni fjetur.

Udhëzuesit e Departamentit të Shëndetit rekomandojnë:
Vitet e hershme (nën -5 vjeç, që akoma nuk ecin)
Për fëmijët që ende nuk ecin, aktiviteti fizik duhet të inkurajohet që nga lindja, përmes lojës në dysheme dhe aktiviteteve në ujë.

Parashkollor (nën 5 vjeç, të aftë të ecin)
180 minuta (3 orë) në ditë kurdo çoftë gjatë ditës. Shumica e fëmijëve të moshës parashkollore në Mbretërinë e Bashkuar i kanë 120-150 minuta çdo ditë, kështu duke parë mundësinë të shtojnë rreth 30 minuta shtesë për çdo ditë.

Fëmijët dhe të rinjtë (5-18 vjeç)
Të paktën 60 minuta ushtrim me intensitet nga niveli mesatar në atë më intensiv për çdo ditë, por edhe më shumë. Tre ditë në javë duhet të përfshijnë aktivitete me intensitet nga niveli mesatar në atë më intensiv që forcojnë muskujt dhe kockat.

Të rriturit (19-64) 150 minuta (2.5 orë) çdo javë aktivitetit fizik me intensitet nga niveli mesatar në atë më intensiv. Aktiviteti i forcimit të muskujve gjithashtu duhet të përfshihet dy herë në javë. Aktiviteti mund të jetë gjatë gjithë ditës në intervale të shkurta, p.sh. 30 minuta, 5 ditë në javë.

Të rriturit e moshuar (65+)

Siç u tha më sipër për të rriturit, por pas moshës 65, përfitimet shtesë shëndetësore përfshijnë mbajtjen e funksioneve kognitive/njohëse dhe reduktimin e rrezikut nga rrëzimet.
Aktiviteti mund të ndodh gjatë gjithë ditës në intervale të shkurtra kohore. Një mënyrë për të bërë 150 minutat e rekomanduara të aktivitetit fizik javor është të stërvitni 30 minuta, pesë ditë në javë.

Çfarë është aktiviteti mesatar fizik?

Aktiviteti me intensitet mesatar do të rrisë ritmin e zemrës, të merrni frymë më shpejt dhe të ndiheni më të ngrohtë. Një mënyrë për të treguar nëse po stërvitni me një intensitet mesatar është nëse ende mund të flisni, por nuk mund t’i këndoni fjalët e një këngë. Mund t’ju ndalet paksa frymëmarrja.

Çfarë është aktiviteti fizik me intensitet më të lartë?
Aktiviteti intensiv me intensitet më të lartë do të thotë që frymëmarrja e juaj është më e vështirë dhe më e shpejtë, dhe janë rritur të rrahurat e zemrës. Nëse jeni duke stërvitur në këtë nivel, nuk do të jeni në gjendje të thoni më shumë se disa fjalë pa pushuar për të marrë frymë.

Ushtrimi dhe nivelet e sheqerit në gjak
Aktiviteti mund të ndikojë në nivelin e sheqerit në gjak gjatë dhe pas stërvitjes. Kontrolli i rregullt do t’ju ndihmojë të kuptoni se si aktiviteti ndikon në nivelin tuaj të sheqerit në gjak. Testoni nivelet më shpesh para, gjatë dhe pas çdo aktiviteti fizik.

Burimi: Diabetes UK (https://www.diabetes.org.uk/)

Mbështetur nga: